Telva Bókari
Aðstoðarmaðurinn sem les gögnin, leggur til bókun og bíður þín
Útgáfa 2.0Uppfært 2. september 202612 kaflar
Telva Bókari er spjall inni í Telvu. Þú spyrð hann að því sem þú myndir annars fletta upp sjálf eða sjálfur, hann les bókhaldskerfið og fylgiskjölin og svarar með tölum sem hann sýnir hvaðan komu. Þegar hann sér verk sem þarf að vinna leggur hann fram tillögu: hvaða færsla, á hvaða lykla, með hvaða VSK og hvers vegna. Þú lest hana, þú samþykkir, og þá bókar hann. Bókarinn er aðstoðarmaður bókarans, ekki arftaki hans: hann tekur snúninginn, þú tekur ákvörðunina, og lyklarnir eru áfram hjá þér.
Til hvers
- Fá svör úr eigin bókhaldi án þess að opna fjögur kerfi og þrjár skýrslur.
- Láta undirbúa færslurnar sem eru fyrirsjáanlegar, í stað þess að slá þær inn línu fyrir línu.
- Sjá tillögu með rökstuðningi áður en nokkuð fer inn: hvaðan hún kom, hvaða skjal, hvaða lína.
- Hafa aðra manneskju en þann sem spjallaði til að samþykkja, þegar félagið vill hafa þann hátt á.
- Halda sögunni: hver lagði til, hver samþykkti, hvenær og hvað gerðist.
Áður en þú byrjar
- Félagið þarf að hafa eininguna „Telva Bókari“ virka. Hún er hrein viðbót, sjálfgefið slökkt hjá öllum, og Telva kveikir á henni fyrir hvert félag.
- Þú þarft svæðið „Bókari“ hakað á þig í Notendur. Það fylgir engu hlutverki sjálfkrafa, ekki einu sinni hjá stjórnendum.
- Til að samþykkja tillögu sem skrifar í bókhaldið þarftu að auki hættuheimildina fyrir bókhaldsskrif. Að spjalla, spyrja og lesa tillögur krefst hennar ekki.
- Bókhaldskerfi félagsins þarf að vera tengt. Bókarinn les það sem tengingin leyfir og segir þér hreint út þegar hún leyfir minna.
01Hvað Bókarinn gerir og hvað hann gerir ekki
Það er auðveldast að skilja Bókarann í tveimur hlutum: lesturinn og tillagan. Þeir eru viljandi aðskildir.
Hann les
Bókarinn hefur aðgang að bókhaldi félagsins: lyklaskrá, viðskiptavinum, lánardrottnum, reikningum, fjárhagsfærslum, opnum kröfum og skuldum, vörum, kvittunum og reikningum í móttöku. Hann les líka Þjóðskrá, Fyrirtækjaskrá og miðgengi Seðlabankans þegar á þarf að halda. Þetta gerir hann strax og án þess að spyrja, því lestur breytir engu.
Hann leggur til
Þegar verkið snýst um að skrifa eitthvað í bókhaldið býr Bókarinn til tillögu í stað þess að framkvæma. Tillagan er varanleg: hún bíður þín þótt þú lokir glugganum, fari í mat hjá öðrum eða komir aftur að henni á morgun.
ÁbendingÞetta er ástæðan fyrir því að hann getur ekki hlaupið á sig. Leiðin frá texta í skjali að færslu í bókhaldi liggur alltaf gegnum manneskju sem ýtir á takka.
Hann bókar þegar þú samþykkir
Um leið og þú samþykkir tekur framkvæmdin við og færslan fer inn í bókhaldskerfið. Það er ekki hægari leið en að slá hana inn sjálf eða sjálfur, hún er bara þín ákvörðun en ekki hans. Munurinn á Bókaranum og því að láta vél bóka eftirlitslaust er hver heldur á lyklunum.
Hann kemur ekki í staðinn fyrir bókarann
Bókarinn kann ekki reksturinn þinn, þekkir ekki samningana og ber enga ábyrgð. Hann tekur snúninginn af verkinu: leitina, samanburðinn, uppflettinguna og innsláttinn. Matið er áfram hjá þér.
Segðu okkur hver er að lesa
Skráðu fyrirtæki og samskiptaupplýsingar til að opna alla kafla handbókanna. Aðgangurinn er vistaður í þessum vafra. Upplýsingarnar fylgja aðgangsbeiðninni til Telvu og gera mögulegt að hafa samband um notkun kerfisins.