Telva Skjár breytir venjulegu sjónvarpi í mælaborð sem hangir uppi allan sólarhringinn. Þú setur upp skjá, velur glærurnar sem eiga að birtast, stillir útlitið og tengir sjónvarpið með sex stafa kóða. Eftir það stýrirðu skjánum úr skrifborðinu: kveikir, slekkur, endurræsir appið og sendir tilkynningar á alla skjái í einu.
Til hvers
- Sýna sölu, framleiðslu eða gæðatölur á vegg þar sem fólk vinnur.
- Setja upp fleiri en einn skjá, hvern með sínum glærum.
- Stýra hverju sjónvarpi án þess að ganga að því.
- Senda tilkynningu á skjáina, til dæmis um fund eða röskun.
- Ráða hvort krónutölur megi birtast á tilteknum skjá.
Áður en þú byrjar
- Sjónvarpið þarf nettengingu og annaðhvort skjá-appið eða vafra. Vafra-leiðin virkar án aukatækis.
- Skjár sem hangir uppi allan sólarhringinn sækir gögn á fimmtán mínútna fresti, ekki oftar. Það er viljandi.
01Skjár og glærur
Efst á síðunni býrðu til skjái með þeim glærum sem þú vilt. Hvert sjónvarp fær sinn skjá.
Búðu til skjá og bættu við glærum
Stofnaðu skjá, gefðu honum nafn og bættu við glærum. Þú dregur þær til að raða og eyðir þeim sem eiga ekki heima þar.
Veldu hvað hver glæra sýnir
Hver glæra hefur sitt efni og sinn tíma á skjá. Forskoðunin sýnir skjáinn eins og hann birtist á veggnum áður en þú vistar.
Skrun-borði neðst
Skrun-borðinn birtist neðan við glærurnar á öllum glærum þessa skjás. Hann hentar fyrir skilaboð sem eiga alltaf að sjást.
Ráddu hvort krónur megi sjást
Skjár á gólfi þarf sjaldnast krónutölur. Veldu „Engar krónur“ á þeim skjá og þá er sölutalan læst úti, líka þótt glæran styðji hana.
PassaðuÞessi stilling er öryggisatriði, ekki smekkur. Skjár á almennu svæði á að vera án króna.
Aðgangur að allri handbókinni
Skráðu fyrirtæki og samskiptaupplýsingar til að opna alla kafla handbókanna. Aðgangurinn er vistaður í þessum vafra. Upplýsingarnar fylgja aðgangsbeiðninni til Telvu og gera mögulegt að hafa samband um notkun kerfisins.