Telva Umræða er spjall sem er fest við hlutina sjálfa: reikninga, verkefni, viðgerðir og sölupantanir. Í stað þess að spyrja í tölvupósti eða Teams, þar sem samhengið týnist, skrifar þú athugasemdina beint á færsluna. Umræðan geymist hjá henni, er rekjanleg og finnst aftur eftir tvö ár.
Til hvers
- Spyrja út í reikning beint á reikningnum, t.d. „af hverju er þessi 40% hærri en síðast?“
- Ræða verkefni á verkefninu sjálfu svo öll umræðan sé á einum stað
- @merkja samstarfsfólk sem fær þá bjöllu í Stjórnstöð og tölvupóst
- Halda rekjanlega sögu: hver sagði hvað, hvenær, um hvaða færslu
Áður en þú byrjar
- Þú þarft að vera með innskráningu í Stjórnstöð og aðgang að svæðinu sem hluturinn tilheyrir (reikningar eða verkefni)
- Tölvupóst-tilkynningar berast aðeins fólki með skráð netfang í Notendum
01Opna umræðu á reikningi
Flettu reikningnum út
Á reikningalistum (t.d. í Reikningum eða á birgjaspjaldi) smellir þú á röðina til að fletta henni út. Fyrir neðan vörulínurnar birtist Umræðu-spjaldið.
ÁbendingGyllt spjall-merki með tölu við reikningsnúmerið þýðir að umræða er þegar til á reikningnum.
Skrifaðu athugasemdina
Skrifaðu í reitinn neðst og ýttu á Enter til að senda. Shift+Enter gerir nýja línu.
Aðgangur að allri handbókinni
Skráðu fyrirtæki og samskiptaupplýsingar til að opna alla kafla handbókanna. Aðgangurinn er vistaður í þessum vafra. Upplýsingarnar fylgja aðgangsbeiðninni til Telvu og gera mögulegt að hafa samband um notkun kerfisins.